Lawngtlai Bawrhsapin Zirtirtute Ni pualin Government Lawngtlai College tlawhin, class a la

Zirtirtute Ni (Teachers’ Day) 2022 pualin vawiin khan Lawngtlai Bawrhsap Pu Amol Srivastava chuan Government Lawngtlai College tlawhin, Principal leh zirtirtute duhsakna chibai a buk a, zirtirtute pawimawhna tar lan nan leh zirtir hna a dah sanzia lantir nan 1st Semester zirlaiho hmaah class a la bawk.

 

He hunah hian subject hrang hrang zirlai mi 150 chuang an kal khawm a. An zirtirtute duhsakna chibai bukin, zirtirtute zah turin an intiam a ni.

 

He hunah hian Bawrhsap chuan “Emotional Intelligence and its importance in Life” tih thupui hmangin zirlaite a zirtir a. Zirlaite chu emotional skill leh intellectual skill neih kawp tum tura fuihin, hlawhtlinna chang turin thinlung leh thluak hman a ngaih hun thliar thiam a pawimawh tih a sawi.

 

Bawrhsap chuan mahni rilru leh châkna thunun theih loh vang (emotional skill neih ṭhat loh vang)-in ṭhalai tam tak zu leh ruihhlo bawihah an tang tih a sawi a. Mi dang nena inlaichinna ṭha nei tur te, miin hruaitu ena an en ni tur te leh mi hlawhtling ni tur te’n emotional skill ṭha tak neih a pawimawh a ni, a ti.

 

Zawhna leh chhanna hun hman zui niin, zirlaite’n hringnun, eizawnna, tui zawng leh hlawhtlinna chungchangah te zawhna chi hrang hrang an zawh chu Bawrhsap hian a chhang a. Zirtirtute hnen aṭangin lawm thu sawi ngaihthlak niin, hun khar a ni.

 

Zirtirtute Ni 2022 puala Lawngtlai Bawrhsapin Mizo ṭawng leh Sap ṭawnga thuchah a sawi chu Lawngtlaia Cable TV pahnih – KT Vision leh SkyNet-ah te tihchhuah a ni bawk.

 

Issued by : I&PRO, Lawngtlai