Deputy Commissioner of State Tax

HISTORY (A CHANCHIN TLANGPUI):-

Taxation Department , Lawngtlai zone hi tahrik  ni 7^th  June, 2006 khan circle office anga bul tan a ni a, ni 15^th  February, 2011- ah zone office ah hlan kai  tan a ni. He department hnathawh pawimawh tak pakhat chu  chhiah chi  hrang hrang heng Mizoram Value Added Tax (MVAT) te, Mizoram Entry Tax (MET) te leh Entertainment tax (E-Tax) , Profession Tax   te sawrkar sum bawm a chhung luh a ni. Lawngtlai ah chuan Profession tax hi Lai Autonomous District Council-in a  lakhawm  thung a ni.  Dated  1^st  July, 2017 atang  khan India ram state tinah chhiah lakdan kalhmang inang Goods and Services Tax (GST) kan hman tak avangin , department pawhin  GST dan angin chhiah a la khawm thin a ni a, GST dan hnuaiah chuan chhiah hi mahni ngeiin online hmang a pek tawh tur a ni. Lawngtlai District chhunga chhiah petuten harsatna an tawh sut kian nan helpdesk hawn a ni a, State Tax Officer ten chhiah petute an pui thin a ni. Taxation Department Lawngtlai Zone hi Deputy  Commissioner of State Tax kaihhruaina hnuaiah , chhiah pek leh a kaihhnawih chungchang hre chiang duh tan an awm reng a, Mizoram Sawrkarin hma a lo sawn zel  theih  nan chak takin hna a thawk mek zel a ni.

WORKING STAFF:– 

ACHIEVEMENTS ( HMALAKNA LEH HLAWHTLINNA TE) :-

Taxation department hi mipui te chhiah tling khawm sawrkar aiawha lakhawmtu a ni  a, tin, miin sawrkar dan ding lai angin an sumdawng ngei a ni tih enfiah  leh dan zawm lote laka a tul ang a dan kenkawh hna a thawk bawk a ni. India sawrkar chuan mipui ten a fel fai tak leh diktak a chhiah an pek  theih nan dan  a siam a, he dan hi Goods and Services Tax(GST) Act,2017   tih a ni a, 1^st July,2017 atangin India ram State leh Union Territory tinah hman tan a ni. He dan  tihlawhtling tur hian taxation department, Lawngtlai zone chuan, chhiah petute tan registration leh chhiah pek (tax return)  online in a buaipui sak thin  a. Lawngtlai District chhungah hian GST hnuai a in ziaklut hi mi 227 (as on 24^th July,2019)  an awm tawh a ni. Mizoram sawrkar Department  zingah  chhiah la lut hnem ber a ni mek a, sawrkar kum   kal ta  2018-2019 chhunga GST atanga  department chhiah hmuh tling khawm hi Rs 4,49,99,53,941 lai a tling pha a ni. Taxation Department office pui ber  Commissionerate  hi New Secretariat Complex, Aizawl ah a awm a ni.