Lawngtlai Bawrhsap thar Pu David Lalthantluanga’n a hna a zawm

Lawngtlai District Deputy Commissioner (DC/Bawrhsap) thar Pu David Lalthantluanga, IAS chuan vawiin, February ni 13, 2023 (Thawhṭanni) hian Pu Amol Srivastava, IAS hnen aṭanga charge lain, Lawngtlai Bawrhsap hna a zawm fel.

 

Pu David Lalthantluanga hi Aizawl Tuikhuahtlang chhuak a ni a. Hindu College, Delhi University aṭangin Political Science-ah Bachelor of Arts (Honours) a zo va. Institute of Management Technology, Ghaziabad aṭangin Post Graduate Diploma in Management (PGDM) a nei bawk. Kum 1998 khan Mizoram Civil Service zawmin, kum 25 zet a thawh hnuah ni 19.12.2022 khan Indian Administrative Service-ah pakaiin, AGMUT:2014 pek a ni a. Mizoram sawrkara Local Administration Department (LAD) Secretary hna a chelh lai aṭangin Lawngtlai DC-ah hian lo sawn a ni.

 

Bawrhsap thar chuan Lawngtlai District mipuite chibai bukin, District hmasawn nan theih tawp chhuah a tum thu a sawi a. District mipuite, tlawmngai pawl, kohhran, district council leh sawrkar department hrang hrangte ṭawiawmna leh thawhpuina ngenin, a ṭulna apiangah fin chhuah ṭhin turin a chah a ni.

 

Issued by: I&PRO, Lawngtlai