Phawngpui Tlang

Phawngpui, sapṭawng a ‘Blue mountain’ an tih hi, Mizoram a tlang sang ber a ni a. A tlangsan zawng chu 2,157m niin, mizoram chhimchhak lam Myanmar border, Lawngtlai dist. chhung a awm a ni. He tlang thlang lam ah hian, a chanve dawna kual deuh ruihin, khâm a awm a, chu chu ‘Thlazuang kham’ an ti. He tlang hmawr hriam leh ruam thuk zet hi, helai a ramsa cheng ‘Saza’ te tan chuan, an ‘Natural home’ a ni. He tlang bulṭhut zauzawng hi 2km2 zet ani a. Tin he tlang hming hi, lai ṭawng aṭang a lak a ni a. ‘Phong’ tih chu phul hmun (grassland) emaw, phaitual hnim ṭona hmun (meadow) tihna niin, ‘-pui’ tih chu thumal tawpa thu bei (suffix) niin, ropui (great) tihna ani. He hming an phuahchhan ni alang chu, he tlang hmun tam zawk hi, phul chi hrang hrangin a khuh deuh vek vang a ni. He tlang hi, heng phul te hian an khuh chuk a vang hian, phawngpui tlang chu a tilang ropui bik hle a ni. He tlang bulṭhut ah hian, Sangau khua awm nghe nghe a ni. Phawngpui tlang bulṭhutah hian, a tlang pan chhohna pui ber ah ‘Farpak’ (far thinghmun) an tih chu a awm a ni. Kum 1992 khan phawngpui tlang hi, ‘Phawngpui National Park’ tiin, protected area a puan ani a. India ram a National park pakhat, mizoram chhunga awm a nih rualin, mizoram ta ani. Mizoram sorkar chuan, November aṭang a April thla inkar chhung chauh hian, ecofriendly bik atan helai hmun hi tlawh a phal a ni.

Thlen dan tur :