Lawngtlai District-a hriselna leh thianghlimna kawnga mamawh phuhrukna tur ṭanpuina an dawnte Bawrhsapin Medical leh UD&PA department-te kutah a hlan

Lawngtlai District Administration-in Lawngtlai District chhunga hriselna leh thianghlimna kawnga mamawh phuhrukna tura Shree Narayan Sanskritik Chetna Nyas (SNSCN), Noida aṭanga ṭanpuina an hmuh aṭanga damdawi leh hmanrua an leite chu vawiin khan Lawngtlai Bawrhsap Pu Amol Srivastava chuan Medical Department leh UD&PA Department kutah a hlan.

 

Damdawi leh hmanraw dang inhlanna hun hi Lawngtlai Bawrhsap pisa tualah buatsaih niin, district administration, medical leh UD&PA official-te bakah, RKS Governing Body member-te an tel a ni.

 

SNSCN aṭanga ṭanpuina sum hmuh aṭang hian District chhunga nausen leh nu thihna (infant mortality leh maternal mortality) titlem turin nau chharna hmanrua (delivery kit), damdawi chi hrang hrang leh hriselna leh thianghlimna atana hmanraw pawimawhte lei a ni a. Every Infant Matters aṭanga Vitamin A dawn pawh he hunah hian sem tel a ni.

 

Vawiina ṭanpuina sem chhuah dan chu, Lawngtlai District chhunga Health & Wellness Centre 14 hnenah delivery kit, Vitamin A leh naupang ei chi paracetamol; ASHA 40 te hnenah naute bukna leh thermometer; UD&PA Department hnenah sanitary pad vending machine 5, used sanitary napkin burner leh sanitary pad 1,200 te a ni.

 

Issued by : I&PRO, Lawngtlai