Lawngtlaiah DTFI an thu khawm

Lawngtlai District chhunga kum 15 atanga kum 18 inkarte hnena COVID-19 hri danna (vaccine) pek dan tur chungchang ngaihtuahin vawiin khan Lawngtlai District Task Force Immunisation (DTFI) chu Additional Deputy Commissioner Pu James Miahlung hovin DC Conference Hall-ah an thu khawm.

Kum 15 leh kum 18 inkarte tana hri danna pek hi naktuk atangin tan a ni dawn a. Vaccine pek tanna hi Chandmary Inpui, Lawngtlaiah buatsaih a ni ang. Lawngtlai District chhungah kum 15 atanga kum 18 inkar hri danna pek tur mi 9,716 an awm a. Lawngtlai khawpui chhunga residential school te chu hun remchang hmasaah kal chilhin hri danna hi pek ni se, tih a ni.

Vawiin meeting-ah hian vaccine dose kima la tawh, an lak kim atanga thla kua vei tawhte chu January ni 10, 2022 atangin booster dose pek tan tum a nih thu sawi lan a ni a. Lawngtlai District chhunga vaccine la duh lo leh la la remchang lote’n an lak vek theih nan hma lak chhunzawm mek a nih thu tar lan a ni bawk.

Issued by: I&PRO, Lawngtlai