Lawngtlaiah khawpui chhunga bawlhhlawh sawngbawl leh thliar hran chungchang sawi ho a ni
Tarchhuah NI : 14/09/2022
Vawiin khan Lawngtlai khawpui chhunga bawlhhlawh sawngbawl leh thliar hran (solid waste management) chungchang ngaihtuahin Bawrhsap Pu Amol Srivastava hovin Lawngtlai DC Conference Hall-ah ṭhut khawm buatsaih a ni a. LADC-a Local Administration Department changtu Executive Member Pu C. Rongura bakah, state sawrkar leh LADC hnuaia a kaihhnawih department official-te an tel.
He hunah hian Lawngtlai khawpui chhung bawlhhlawh khawn khawm dan leh thehthang dan thlir ho a ni a. Felfai leh kawngkal nei zawka bawlhhlawh sawngbawl leh thliar hran a nih theih nana hma lakna tur hrang hrang sawi ho niin, Lawngtlai khawpuia chengte’n ṭawih thei paihna leh ṭawih thei lo paihna bawlhhlawh bawm hran an neih theih dan tur te, bawlhhlawh ṭawih thei leh ṭawih thei lo a hranga lak khawmna tur lirthei ruahman a nih theih dan tur te, bawlhhlawh ṭawih thei leh ṭawih thei lo paihna leh sawngbawlna tur ruahmanna chungchang te sawi ho a ni.
Issued by: I&PRO, Lawngtlai