Lawngtlaiah Road Protection Squad an ṭhu khawm

Vawiin khan Lawngtlai Bawrhsap Pu Amol Srivastava hovin Lawngtlai Town Road Protection Squad chu DC Conference Hall-ah an ṭhu khawm.

Additional Deputy Commissioner Pu James Miahlung chuan Road Protection Squad hma lakna tlangpui sawiin, Team Leader te’n hma lak tawha bawhzui ngaite an sawi a. August thlaa Road Protection Squad te’n Lawngtlai khawpui chhunga kawngpui tihnawk leh tichep zawnga bungrua leh lirthei dah senghawi tura ngenna leh vaukhanna an lo pek tawhte chu a rang lamin an dinhmun enfiah ni se tih niin, a zing thei ang berin khawpui chhung kawngpui vil zui ni se, tih a ni bawk.

Meeting-ah hian hma lakna a chak zawk theih nan Village Level Road Protection Squad din rawtna chu enzui ni se, tih a ni a. Mizoram PWD leh Lai Autonomous District Council lam te’n kawngpui tihnawk leh tichep zawnga chete hremna awm thei leh danin kawngpui a humhalh dan en chungin hma lak dan tur ruahmanna lo siam se, tih a ni bawk.

Issued By: I&PRO, Lawngtlai