Lawngtlaiah SAMETI buatsaih video documentation skills training tan a ni

State Agricultural Management & Extension Training Institute (SAMETI), Mizoram buatsaih ni hnih awh tur “Training on Video Documentation Skills” chu vawiin khan District Agriculture Office Conference Hall, Lawngtlaiah tan a ni.

Training programme hi Lawngtlai District Agriculture Officer Pu Lalringliana’n hawngin, SAMETI-in Lawngtlaia training programme pawimawh tak an buatsaih thei chu lawmawm a tih thu a sawi a. Sawrkar hmalakna reng reng thlalak leh video en tlak, felfai leh fiah tha taka chhinchhiah a tul thin tih sawiin, chuti ang thiamna tak tak chu paw chhuak turin training tura kal khawmte chu a chah a ni.

He ni hnih awh tur “Video Documentation Skills” training-ah hian Agriculture leh line department official leh staff, Farmer Friend (ATMA), KVK Lawngtlaia thawktu leh NYK-a volunteer te an tel a. SAMETI a?angin Faculty (Information Technology) Pu Vala T. Tonson leh Computer Programmer Pu David Malsawmtluanga te’n photo journalism chungchang te, thlalak leh video lak huna tih tur leh tih loh tur te, video clip siam huna a thu leh a lem buatsaih dan tur te, mobile application hmanga video siam (edit) dan te an zirtir dawn a ni.

 

Issued by: I&PRO, Lawngtlai