Lawngtlaiah COVID-19 hri danna pek chhunzawm dan tur sawi ho a ni

 Vawiin khan Lawngtlai Bawrhsap Dr Andrew H. Vanlaldika hovin a office chamber-ah district administration leh health department official-te’n Lawngtlai District chhunga COVID-19 hri danna (vaccine) pek tawh dan thlir hovin, hma lak zel dan tur an sawi ho.

He hunah hian Lawngtlai District chhunga COVID-19 vaccine pek kawnga harsatna hrang hrang te tar lan niin, fur laia kawng chhiat vanga tlawh pawh theih loh khuaah te thal chhungin kim taka vaccine pek a nih theih nan ruahmanna (vaccination plan) siam ni se, tih a ni a. District chhunga vaccine la thei zawng zawngin a kim thei ang bera vaccine an lak theih nana hma la turin Block Level Task Force din a, theih tawpa hma la nghal tura hriattir ni se, tih a ni bawk.

Vaccine la thei zingah lak nachang hre lo leh la la lote’n kim taka an lak theih nan mipui vantlang zingah inzirtirna kalpui leh ni se, tih niin, District Task Force Immunisation (DTFI)-in a lo rel tawh anga vaccine la tha khua/veng te hnena chawimawina pek dan tur pawh he hunah hian sawi ho nghal a ni.