Lawngtlaiah Bawrhsapin Flying Squad te Krismas leh Kumthar vuakveta hma lak dan tur a sawipui

Vawiin khan Lawngtlai Bawrhsap, District Disaster Management Authority (DDMA) Chairman Dr Andrew H. Vanlaldika chuan Lawngtlai khawpui chhunga Krismas, 2021 leh Kumthar, 2022 vuakveta COVID-19 hri leng laka him nana inkaihhruaina mipuiin an zawm leh zawm loh enfiah a, hma la tur Flying Squad te chu a pisaah hma lak dan tur hrang hrang a sawipui.

Bawrhsap Dr Andrew H. Vanlaldika chuan hunpui boruakah COVID-19 hri leng laka him nana sawrkarin inkaihhruaina leh fimkhurna tur hrang hrang a duante chu tha taka zawm turin Lawngtlai District mipuite a chah a. Hmai tuam that, kut sil fai uar leh mi dang nena inhnaih chilh loh te chu tha taka zawm zel tur leh kum 18 chin chung lam, COVID-19 hri danna (vaccine) la thei chinte chuan la vek turin a chah bawk.

Kumin hunpui vuakveta COVID-19 hri leng laka mipuite him nana Covid Appropriate Behaviour (CAB) leh COVID-19 dona kawnga sawrkar thu chhuah Lawngtlai khawpuia mipui/kohhrante’n an zawm dan viltu tur Flying Squad te duty dan tur chu a hnuaia mi ang hian ruahman a ni:

Zone-I – Vengpui, New Vengpui, Bazar Veng & Council Veng
Leader – Pu Alex Lalzawmpuia, Hindi Propagation Officer, LADC

Zone-II – Electric Veng, Lawngtlai-III, AOC Veng & Thingkah
Leader – Pu A. Zaithanga, Secretary (BSE), LADC

Zone-III – Chandmary, College Veng, Bethel Veng & Chawnhu
Leader – Pu Joseph L. Pachuau, MVI

Issued by: I&PRO, Lawngtlai