CADC-a Executive Member atana ruat tharte lak luh an ni

Vawiin khan 10th Chakma Autonomous District Council (CADC)-a Pu Buddha Lila Chakma kaihhruai Executive Committee thar tura Executive Member atana ruat thar mi pasarih (7) chu CADC Art & Culture Hall, Kamalanagar (Chawngte)-ah Chawngte Sub-Divisional Officer (Civil) Dr Manesia Khaimeichho chuan rinawmna thu tiamtirin a la lut.

CADC Executive Member tharte lak luh inkhawm hi CADC-a Executive Secretary Pu Pronit Bikash Chakma chuan kaihruaiin, CADC (Constitution, Conduct of Business, etc.) Rules, 2002 rule 22 sub-rule (3) tlawh chhana CADC Executive Member mi pasarih ruatna sawrkar notification No. A. 43016/3/2018-DC&MA(C) Dt. 20th June, 2022 chu a chhiar chhuak a. Hemi hnu hian Chawngte SDO (Civil) chuan EM atana ruat thar mi pasarih te hi thu tiamtirin a la lut nghal a ni.

10th CADC-a Chief Executive Member Pu Buddha Lila Chakma kaihhruai Executive Committee-a Executive Member atana lak luhte chu – Pu Durjya Dhan Chakma (5-Kamalanagar ‘N’ MDC Constituency), Pu Mohan Chakma (20-Parva Constituency), Pi Kusum Lota Chakma (2-Borapansury Constituency), Pu Ajoy Kumar Chakma (8-Udalthana Constituency), Pu Anil Kanti Chakma (4-Bajeisora Constituency), Pu Uday Tongchangya (12-Mainabapsora Constituency) leh Pu Sanjeev Chakma (7-Kamalanagar ‘W’ Constituency) te an ni.

Executive Member tharte lak luh an nih hnu hian Chief Executive Member Pu Buddha Lila Chakma chuan thu sawiin, Pu Durjya Dhan Chakma chu Deputy Chief Executive Member atan a puang nghal a ni.

 

Issued by : I&PRO, Lawngtlai