Lawngtlaiah naupang hmanga sumdawnna (child trafficking) beih let dan tur zir hona buatsaih a ni

Vawiin khan National Commission for Protection of Child Rights (NCPCR) leh Mizoram State Commission for Protection of Child Rights leh District Administration Lawngtlai te ṭang ho huaihawtin Lawngtlai DC Conference Hall-ah naupang ruk bo leh hralh hmanga sumdawnna (child trafficking) beih let dan tur zir hona, “District Level Sensitisation Programme on Combating Child Trafficking” buatsaih a ni.

He hunah hian Child Welfare Committee, Juvenile Justice Board, Special Juvenile Police Unit, Village Level Child Protection Committee, Central Young Lai Association (CYLA), Lai Women Association (LWA) General Headquarters leh Mizo Hmeichhe Insuihkhawm Pawl (MHIP) Lawngtlai Sub-Headquarters ai awhte an tel a. Lawngtlai Additional Deputy Commissioner Pu James Miahlung chuan hun kaihruaiin, kal khawmte lawmna thu a sawi a. Lawngtlai Additional Superintendent of Police Pu C. Lalruatkima’n thu a sawi bawk.

He hunah hian expert resource person, NCPCR-a Consultant Pi Anshu Sharma hnen aṭangin child trafficking chungchang leh a do dan tur te ngaihthlak a ni a. Zawhna leh chhanna leh sawi hona hun hlawk tak hman a ni bawk.

 

Issued by : I&PRO, Lawngtlai