Lawngtlai Bawrhsapin khawpui chhunga sikul thenkhat a tlawh

Vawiin khan Lawngtlai Bawrhsap Pu Amol Srivastava chuan Lawngtlai khawpui chhunga sikul thenkhat tlawhin, an dinhmun a enfiah.

Bawrhsap hi Lawngtlai District Education Officer & Samagra Shiksha District Project Coordinator Pi R. Lalnunthari, Lai Autonomous District Council (LADC)-a Elementary Education Officer (M/S) Pu F. Lalhmachhuana, Assistant Elementary Education Officer (P/S) Pu B. Lalnunzawmpuia, Hindi Education Officer Pu Alex Lalzawmpuia leh Education Department official thenkhatte’n an tawiawm a. He’ng sikulte hi an tlawh a ni:

1. Govt Region Higher Secondary School

2. Govt Region High School

3. Govt Model English School

4. Govt Southern Public High School

5. College Veng Primary School-I

6. Govt Southern Standard Middle School

7. Govt College Veng High School

8. Chandmary Primary School-I

Bawrhsap hian sikul a tlawhte hi an dinhmun leh harsatna te zawtin, zirtirtute’n an mamawhte a hnenah hian an lo thlen a, Bawrhsap chuan a theih ang anga hmalakpui a tum thu a sawi. Sikul a tlawhnaah hian chawchhun (midday meal) an chhum te pawh endikin, a thianghlim leh thianghlim loh hriat nan a ei ve nghal bawk a. Sikul a tlawh rual hian District Education Office leh Samagra Shiksha District Project Office te pawh a tlawh tel nghal bawk.

Issued by : I&PRO, Lawngtlai