Lawngtlaiah Bawrhsap leh a officer-te leh education department official-te’n zirna tihhmasawn dan tur an sawi ho

 

He hunah hian Additional DC, SDO (Sadar), SDC, Samagra Shiksha Additional DPC leh District Education Officer ai awhte an tel a. Zirna tihhmasawnna kawng khat atan DC office-a officer-te’n Lawngtlai khawpui chhunga zirna in thlan bik nei ṭheuhvin, zirna kawnga hma an sawn theih nan zirna ina hotu lute leh education department hotute nen thawk hovin a ṭul anga ngaihven, en zui leh kaihhruai ni se tih a ni.

 

He’ng zirna in an thlan bikte ngaihven leh vil zuina turah hian he’ng kawng – faina chungchang te; hmanrua leh bungrua an neih ṭhat dan te; tui thianghlim leh faina leh thianghlimna atana mamawh an neih dan te; chawchhun dinhmun te; zirna leh thiamna lam te; ruihhlo, HIV, nun dan mawi leh eizawnna chungchang zirtirna pek te; zirtirtu leh zirlaite’n sikul an kal ṭhat dan te chu thlur bing tura tih a ni.

 

Hei bakah hian Mid-Day Meal Cell te’n sikula chawchhun semte a khat tawka an endik ṭhin theih nan Samagra Shiksha Additional DPC chuan ruahmanna siam se, tih a ni bawk.

 

Issued by: I&PRO, Lawngtlai