Lawngtlaiah Poshan Pakhwada lawmna peng khat atan buhtun chin leh chuktuah huan siam uar tura inzirtirna buatsaih a ni

Vawiin khan Women and Child Development (ICDS) Lawngtlai te’n March ni 20 aṭanga April ni 3, 2023 inkar chhunga chaw ṭha pawimawhzia inzirtirna chawlhkar, Poshan Pakhwada an hman mek peng khat atan Lawngtlai CDPO office-ah buhtun chin leh chuktuah huan siam uar tura inzirtirna, “Campaign to Promote Millets and Backyard Kitchen Garden” hun an buatsaih.

He hun hi Lawngtlai CDPO Pu Zothanmawia Hnamte chuan kaihruaiin, hun buatsaih chhan leh Poshan Pakhwada lawmna kal mek chungchang a sawi fiah a. Agriculture Department aṭangin Block Agriculture Officer Pu H. Lalbiaknia’n mihring taksa tana buhtun (millet) ṭhatna te, buhtun ching uar tura inzirtirna te leh chaw ṭha, hrisel leh tharlam hmuh theih nana chuktuah huan siam ṭhatna te power point presentation hmangin kal khawmte a zirtir a. Zawhna leh chhanna leh sawi hona hun hlawk tak hman a ni bawk.

Issued by : I & PRO, Lawngtlai