Chawngte SDM & CADC Inthlanpui, 2023 ARO-in CADC huam chhunga campaign hun tawp rualin vote nei lote’n CADC area chhuahsan vek turin hriattirna a chhuah

Chawngte Sub-Divisional Magistrate, Chakma Autonomous District Council (CADC) Inthlanpui, 2023-a Assistant Returning Officer (ARO) ni bawk Pu Lalneihthanga Colney chuan CADC Inthlanpui, 2023 campaign chungchangah vawiin khan heti ang hian hriattirna a chhuah.

“State Election Commission of Mizoram, lehkha tihchhuah vide letter no. B. 12021/1/2023-SEC/CADC/22: Dt. 17th April, 2023 angin Chakma Autonomous District Council huam chungah Inthlanpui neih tur campaign hun chu vawiin May 7, 2023 Dar 5:00 PM aṭang hian a lo tawp tawh dawn ta a.

“Chu vangin, vawiin May 7, 2023 tlai dar 5:00 PM aṭang hian Chakma Autonomous District Council huam chhunga vote nei lote tan CADC area-ah awm phal a ni lo va. Heti ang hi kan la awm a nih chuan vawiin May 7, 2023 tlai dar 5:00 PM rik hmaa CADC area chhuahsan turin kan inhriattir a ni.

“Hei hi Political party zawng zawng leh mipuite’n zawm vek turin kan inngen a ni.”

issued By : I&PRO, Lawngtlai