Lawngtlai Bawrhsapin Gilead Drop-In Centre leh LCMC&H a tlawh

Lawngtlai Bawrhsap Pu Amol Srivastava chuan vawiin khan Lawngtlaia Gilead Drop-In Centre (GDC) leh Lairam Christian Medical Centre & Hospital (LCMC&H) te a tlawh.

 

Lawngtlai Bawrhsap hi Additional Deputy Commissioner Pu James Miahlung chuan a ṭawiawm a. GDC-ah hian thawktute’n lo dawngsawngin, office hmunhma an lo fanpui bakah, an mamawh leh harsatna te an lo thlen a. He’ng an mamawh ngaihtuah dan tur leh an harsatna chin fel dan tur te, HIV/AIDS kaihhnawiha hma lak dan tur ruahmanna te an sawi ho a ni.

 

LCMC&H-ah hian thawktute’n lo dawngsawngin, damdawi in dinhmun tlangpui an lo hrilh a. Bawrhsap hian Corporate Social Responsibility (CSR) aṭanga an dawn Oxygenerator pakhat leh BiPAP khawl paruk chu LCMC&H thuneitute kutah a hlan a ni.

 

Issued by : I&PRO, Lawngtlai