Lawngtlai DISHA thut khawm buatsaih a ni

Vawiin khan Lawngtlai District Development Co-ordination and Monitoring Committee (DISHA) chu an Chairman, Member of Parliament (Lok Sabha) Pu C. Lalrosanga hovin an thu khawm a. Thut khawm hi video conferencing hmanga kalpui niin, Lawngtlai District chhunga member awmte chuan Lawngtlai DC Conference Hall atangin an chhim a ni.

Chairman Pu C. Lalrosanga chuan Lawngtlai District chu ramri hnaih district leh autonomous district council pahnih chhung khungtu district a nih avangin district pawimawh tak a ni, a ti a. District chhunga hmasawnna fawng vuantu department hrang hrang hotute chu thahnem ngai taka thawk turin a chah a ni.

He DISHA thut khawmah hian Lawngtlai East bialtu MLA Pu H. Biakzaua, Tuichawng bialtu MLA Dr BD Chakma, CADC-a Chief Executive Member Pu Rasik Mohan Chakma, LADC-a Executive Member Pu C. Rongura, Member Secretary Lawngtlai Bawrhsap Dr Andrew H. Vanlaldika leh DRDA Project Director Pi Marilyn Rualzakhumthangi bakah, sawm bik sawrkar official-te, bank leh tlawmngai pawl ai awhte an tel a. Sawrkar kum kal mek 2021-22 chhunga Lawngtlai District-a sawrkai laipui ruahmanna hnuaia hmasawnna hna hrang hrang thawh dan te thlir ho a ni a. Sawrkar scheme hrang hrang kalpuina kawnga harsatna awmte leh a chin fel dan turte sawi ho a ni.

He DISHA thut khawma sawrkar laipui scheme hrang hrang sawi hote chu – PWD hnuaia Pradhan Mantri Gram Sadak Yojana (PMGSY); P&E Department hnuaia Indo-Bangla Border Flood Lighting (IBBFL) Scheme & utility shifting due to widening of National Highway; PHED hnuaia Jal Jeevan Mission (JJM) & Swachh Bharat Mission-Grameen (SBM-G); UD&PA hnuaia Pradhan Mantri Awaas Yojana-Urban (PMAY-U) & Swachh Bharat Mission-Urban (SBM-U); H&FW Department hnuaia National Health Mission (NHM); Social Welfare Department hnuaia National Social Assistance Programme (NSAP) & Integrated Child Development Scheme (ICDS); FCS&CA Department hnuaia National Food Security Act (NFSA); Commerce & Industries Department hnuaia Prime Minister Employment Generation Programme (PMEGP); DRDA hnuaia Mahatma Gandhi National Rural Employment Guarantee Act (MGNREGA) & Pradhan Mantri Awaas Yojana-Grameen (PMAY-G); BDO-te hnuaia Border Area Development Programme (BADP), Mizoram State Rural Livelihood Mission (MzSRLM) & Deen Dayal Upadhyaya – Grameen Kaushalya Yojana (DDU-GKY); Samagra Shiksha leh Bharat Sanchar Nigam Limited (BSNL) hma lakna te a ni.