Lawngtlai khawpui chhunga veng pathum chu vawk hri lenna hmunah puan a ni

Lawngtlai khawpui chhunga veng pathum – Council Veng, Chandmary leh Chawnhuah te vawk natna hlauhawm tak African Swine Fever (ASF) hri kai leh he hri avanga vawk thi a awm avangin he hri hi a darh zel loh nan Lawngtlai District Veterinary Officer Dr Thanseia Chhangte chuan “The Prevention & Control of Infectious and Contagious Disease in Animal Act, 2009” Section 20 Sub-section-I tlawh chhanin he’ng veng pathum te hi August 8, 2022 aṭanga thu leh awm hma atan vawk hri lenna hmun “Infected Area”-ah a puang.

 

Infected area chhungah hian he’ngte hi zawm ngei tur a ni.

 

1) Infected area chhungah hian vawk lak luh emaw lak chhuah emaw khap tlat a ni.

2) Vawk talh leh vawksa zawrh khap tlat a ni.

3) Vawk thi reng reng paih mai lovin, chinai nen thuk takah phum ngei ngei tur a ni.

4) Vawk thi a awmin Vety Department-ah emaw VC hnenah emaw report zel tur a ni.

 

Issued by: I&PRO, Lawngtlai