Lawngtlaiah Bawrhsap hovin PMEGP chungchang sawi ho a ni

Vawiin khan Lawngtlai Bawrhsap Dr Andrew H. Vanlaldika hovin a office chamber-ah Lawngtlai District chhunga kum 2021-2022 chhunga Prime Minister’s Employment Generation Programme (PMEGP) kalpui dan leh hlawhtling zawka kalpui zel a nih theih dan tur sawi ho a ni.

He hunah hian District Industries Centre leh KVIB hotute, Lead Bank Office-a Lead District Manager leh Lawngtlaia bank hrang hrang hotute an kal khawm a. Kum 2021-2022 chhunga PMEGP pek chhuah dan thlir hovin, department, bank leh mimalin harsatna hrang hrang an tawh ṭhinte tar lan a ni a. Harsatna chin fel dan tur sawi ho niin, felfai zawk leh hlawhtling zawka PMEGP kalpui a nih theih nana rawtna hrang hrangte sawi ho a ni bawk.

Kum 2021-2022 chhungin Lawngtlai District chhungah bank branch hrang hrang kal tlanga PMEGP loan pek tura tuk (target) 57 awmin, 58 pek chhuah (sanction) a ni a. He’ng loan pek chhuah 58 atana margin money hman zat chu cheng nuai 80.45 a ni.

Issued by: I&PRO, Lawngtlai