Lawngtlaiah Bawrhsap hovin Pratham Foundation bul tuma zirtirtu training buatsaih dan tur sawi ho a ni

 Vawiin khan Lawngtlai Bawrhsap Dr Andrew H. Vanlaldika hovin a office chamber-ah Pratham Foundation te leh District chhunga MLA te nen thawk ho va, Lawngtlai District chhunga sawrkar sikul zirtirtute tana capacity development training buatsaih dan tur sawi ho a ni.

He hunah hian Additional Deputy Commissioner, District education official-te leh DIPRO te an tel a. Additional DC Pu James Miahlung hnen atanga programme kalphung tlangpui report ngaihthlak a nih hnuah Lawngtlai District chhunga hlawhtling taka kalpui a nih theih nana rawtna leh ruahmanna te sawi ho a ni.

Pratham Foundation te hian “Learning with Vodafone” tih hming chawiin district administration te nen thawk hovin a thlawnin zirtirtute training an buatsaih thin a. Lawngtlai District-a sawrkar sikul zirtirtute tan pawh December, 2021 atang hian training hi kalpui tan tura ruahman a ni.

Training hi batch 2-a kalpui tum niin, 1st batch-ah Class V – VIII zirtirtute leh 2nd batch-ah Class IX – XII zirtirtute thlan an ni ang a. Ni 2 awh online induction training buatsaih hnuah Master Trainer tur thlan chhuah niin, chu’ng mite chu Pratham Foundation hian Lawngtlaiah training an rawn pe leh ang a. Master Trainer-te chuan Gurushala portal hmangin District chhunga zirtirtu dangte chu kum khat chhung online training an pe ve leh thin dawn a ni.

Issued by: I&PRO, Lawngtlai