Lawngtlaiah CADC MDC Inthlanpui, 2023 buatsaih tur chungchangah Thut khawm a ni

Vawiin khan Lawngtlai DC Conference Hall-ah Lawngtlai Bawrhsap, District Election Officer Pu David Lalthantluanga hovin Chakma Autonomous District Council (CADC)-a Member of District Council (MDC) Inthlanpui, 2023 lo awm tur chungchangah thut khawm buatsaih a ni a. Inthlan chungchanga hriat tur pawimawh hrang hrang inhrilhfiah niin, inthlan felfai leh muanawm tak a awm theih nana hma lak dan turte sawi ho a ni.

Lawngtlai DEO Pu David Lalthantluanga chuan inthlan felfai leh muanawm tak a awm theih nan kawng hrang hrangah inbuatsaih a tul tih sawiin, department hrang hrang leh mawhphur tura ruatte chu an kova tla mawhphurhnate tha taka hlen chhuah tum theuh turin a chah a ni.

He hunah hian election official-te, LADC leh CADC-a Executive Secretary-te, state sawrkar department hrang hrang official-te, BRTF ai awh leh mobile service provider-te an tel a. CADC Inthlanpui, 2023 neih tura thil pawimawh hrang hrang inhrilhfiah niin, inthlan felfai leh muanawm tak a awm theih nana department leh agency hrang hrangte mawhphurhna leh tih tur insem a ni a, hma lak dan tur hrang hrang sawi ho nghal a ni.

CADC MDC Inthlanpui, 2023 neih tur hi SEC chuan April ni 17, 2023 (Thawh?anni) khan puangin, inthlan hi May ni 9, 2023 (Thawhlehni) zing dar 7 a?anga tlai dar 5 inkar chhunga neih turin ruahman a ni a. May ni 11, 2023 (Ningani) zing dar 10:00 a?angin he inthlana vote tlate hi chhiar a ni ang. Inthlan puan ni atang hian CADC huam chhungah model code of conduct pawh hman nghal a ni.

CADC-ah hian MDC constituency 20 awmin, polling station 70 a awm a. Vote nei thei mipa 18,208 leh hmeichhia 17,677, an vaiin mi 35,885 an awm.

Issued by: I&PRO, Lawngtlai