Lawngtlaiah Matru Vandana Saptah hawnna hun hman a ni

Vawiin khan Lawngtlai District tana Pradhan Mantri Matru Vandana Saptah hawnna hun chu Lawngtlai DC Conference Hall-ah Additional Deputy Commissioner Pu James Miahlung hovin hman a ni.

 

He hun hawngtu Additional DC Pu James Miahlung chuan Lawngtlai District chuan kawng hrang hrangah hmasawnna tur a la ngahzia sawiin, ICDS staff te, anganwadi worker leh helper te chu an theih ang tawka hma la chhunzawm zel turin a fuih a. He Saptah hman chhung hian beneficiary a tam thei ang ber neih tum tur leh daily activity ruahman sa ṭha taka zawma hma la turin a chah a ni.

 

He hun hi District Programme Co-ordinator (PMMVY) Pi F. Lalengvari’n kaihruaiin, kal khawmte lawmna thu a sawi a. PMMVY Scheme chanchin tlangpui a sawi fiah bawk a. Zawhna leh chhanna hun hman ni bawkin, hlawk tlang taka hun hman a ni. 

 

He scheme hi fa tir paite tana hamṭhatna ₹ 5,000/- dawn theihna a ni a. Mizoramah chuan kum 2017 aṭanga ṭan niin, Lawngtlai Disrtrict bikah chuan he hamṭhatna hi mi 2,454-in an dawng tawh a ni. Saptah hman a nih chhan ber chu mi tam zawkin he scheme hi an lo hriat lar a, beneficiary tam thei ang ber an awm theih nan a ni.

 

PMMVY Saptah hi September ni 12 thleng hman tur a ni a. Hun hman chhunga thawk ṭha ber anganwadi worker te hnenah lawmman pek a ni bawk ang.

 

Issued by : I&PRO, Lawngtlai